19. jarduera: Herri ipuina: Ahate itsusia

Lehendik ere entzuna izango duten ipuin hau, baina iruditzen zaigu komeni dela, gai honetan, berriro entzutea/irakurtzea. Batetik, familiaren eta jaiotzaren gaiak azaltzen zaizkigulako, eta, bestetik, desberdin izateak batzuetan sortzen dituen arazoak eta bidegabekeriak agerian uzten dituelako. 

Ipuin honi dagozkion testua eta laminak (beste aukera batzuen artean noski)Urtxintxa 5 urteko materialean aurki ditzakegu. Eskatu Haur Hezkuntzako irakasleari. Horretaz gain, haurrek beharbada  etxean edukiko dute ipuina –bost urterekin erabili baitzuten- eta ikastolara ekar lezakete liburutegian eskura edukitzeko. Bestalde, talde-antzerkia egin nahi izango bagenu, Urtxintxa 5. urteko irakaslearen gidan ageri da testu egokitua.