Hainbat komunikabideri buruzko materialez txoko zuria osatzeko eta hornitzeko, gaiarekin lotura duten liburuak hartuko ditugu ikastolako liburutegitik eta, gainera, gurasoei eskutitza bidaliko diegu.

Oraingo honetan, eskutitza geuk idatzi beharrean, talde txikietan banatu eta eskutitza  idaz dezatela eskatuko diegu haurrei. Talde horietan idatzi dituzten eskutitzak talde handian zuzendu ondoren, haur bakoitzak bere taldeak ekoitzitakoa garbitan ipini eta etxera eramango du.