8. jarduera: Nola eta non bizi ziren nobleak?

Orain, hemen, feudoari buruzko azalpenak eman eta landu nahi ditugu. Nekazariak babes bila hurbiltzen ziren aitoren seme-alaben edo nobleen gaztelu eta dorretxeetara. Haien lurrak ustiatzen uzteagatik eta babesa emateagatik, nekazariek errenta ordaintzen zieten.

Marrazkia ikusi eta taldean aztertu ondoren, haur bakoitzak behealdean agertzen diren galderei erantzungo die. Galderei esaldi batez erantzuteko eskatuko diegu (lehenik, esaldien eraketa ahoz landuko dugu erantzun motzenetik hasita) eta arreta jartzeko ortografian (esaldiaren hasieran maiuskula...), puntuazioan (esaldia bukatzen denean puntua) eta hitz-banaketan.