3. jarduera: Euskal Herriko zer aldetan bizi zara zu?

Jarduera honen bidez, Euskal Herriko hainbat paisaiatatik, norberaren eskualdera hurbilduko gara, eta talde txikietan eskualdearen ezaugarriak ahoz definitzen saiatuko gara. Gero, talde handian, horien inguruan eztabaidatuko dugu.

Ondoren, ikasleek bakarka edo binaka, orrialdean datozen galderei idatziz erantzungo diete, eta  jarraian, talde handian bilduta, alderatu egingo dituzte.

Bukatzeko, klipean agertzen den informazioa irakurri eta argitu ondoren, koadernotxo eta liburuak txoko zurira ekar ditzatela esango diegu ikasleei.