Picassoren artelana hobeto ikusteko, Gernika margolana tamaina handian erakusten duen irudia jarri dugu, ikasgelan eta proiektagailuaren laguntzarekin ikus dezagun. Lagungarri izango zaigu, margolanari buruzko azalpenak emateko, baita Pablo Sorozabalen Gernika kantata entzuteko ere.
Bestetik, Pablo Sorozabalen fitxa osatu eta, Musikagileen Txokoa atalarekin lotuz, Ikasgelako Blogean argitaratuko dugu.
Haren datu biografikoak eskuratzeko, euskal Wikipediara jotzeko esteka eman dugu. Musikagilearen irudia eskuratzeko, jo ezazue Google-ra, idatzi Pablo Sorozabal, eta, irudiak atalean, oso irudi politak aurkituko ditugu (gogoratu, blogean argitaratzen dugunean, irudia nondik hartu dugun aipatzea komeni dela)
Musikagilearen fitxa osatuago geratuko litzake, datuekin batera, hark egindako obra bat entzuteko edo ikusteko aukera emango bagenu. Youtuben Sorozabalek egindako zarzuela batzuen zatiak badaude; Goear.com-en dagoen Donostiaizeneko kantua ageri da, eta hori txertatzea gomendatzen dugu. Horren kodea eskuratzeko lotura ere jarri dugu.
