Binaka jarrita, Irristalari CD-ROMak dakarren Europa politikoa izeneko mapan trebatuko gara.
Lehendabizi, Europar Batasuna izeneko mapa ikuskatuko dugu, eta elkarri galderak egingo dizkiogu: estatuak non dauden (mapa aurrean dutela, laguntza gisa), edo halako lekutan dagoen estatuak zer izen duen. Trebatu eta gero,Jardun atalera pasatuko gara, Estatuak izeneko mapara.
Prozesu bera egingo dugu hiriburuekin ere: lehendabizi, Ikuskatu atalean, elkarri galdetu, eta gero, Jardun atalean,Hiriburuak izeneko maparekin aritu.
Irristalari CD-ROMak, mapak pertsonalizatzeko aukera eskaintzen du. Menu nagusiko Zure aukera sakatuz gero, mapan ageri diren elementuak pertsonaliza ditzakegu, eta zailtasun-maila desberdineko mapak sortu. Aukera horretaz balia gaitezke ikasleak estatuen eta hiriburuen mapekin ari direnean. Hasieran, estatu- eta hiriburu-izen gutxi jarri, baina aurrera egin ahala, gero eta gehiago.
