Animalien sailkapen-taula aztertu eta gero, gako dikotomikoarekin jolasean aritu baino lehen, hemen behean ageri den aurkezpena ikusiko dugu, ikasgelan, proiektagailuaren (eta bozgorailuen) laguntzarekin.
Animaliak sailkatzeko erabiltzen dituzten ezaugarriak landuko ditugu, eta, gainera, espeziei buruzko bideoak ere eskura izango ditugu.
Estekan klik egitean, gure ordenagailuan gordetzeko aukera egin. Sortu Animaliakizeneko karpeta zure ordenagailuan. Deskargatu eta gero, zip fitxategia deskonprimitu. Horretarako, sakatu saguaren eskuineko botoia eta lehendik sortu duzun Animaliak izeneko karpetara ateratzeko aukera egin.
Aurkezpena PowerPoint formatuan (.pps) eta Impres formatuan (.odp) dago. Bideoak, ahotsa dutenez, bozgorailuen laguntzarekin ikustea komeni da.
Ikasleak gako dikotomikoarekin jolasean ibil daitezen, haien Jarduera atalean jarri ditugu laguntza-orria (inprimatu eta kopiak egin, ikasleei banatzeko) eta aurkezpena (bideorik gabe), dokumentu erantsi gisa.
