Talde handian, informazioa irakurri eta jarduera osatuko dugu; musikagileaz eta haren obraz hitz egingo dugu gero, eta, azkenik, Johann Strauss-en fitxa egin (musikagilearen argazkia, biografia eta obrari buruzko informazioa), eta Musikagileen Txokoan jarriko dugu. Baita Ikasgelako Bloggean ere, Musikagileen Txokoa delakoan.
Datu pertsonalak eta irudia, haren lanik ezagunenak eta, aukera izanez gero, audio edo bideo bat ere gehituko dugu, egin zituen musika-lanen berri zehatzagoa edukitzeko.
Horrekin guztiarekin, Musikagileen Txoko digitala dotore geratuko zaigu eta, gainera, irispidean.
Lana egiteko laguntza-aholkuak
- Johann Straussen argazki bat eskuratuko dugu Google bilatzailean ("irudiak" aukera jarrita). "Gorde honela" egin eta gure ordenagailura ekarri.
- Joan Youtube.com-era eta idatzi Johann Strauss, bilaketa egin dezan. Hainbat musika-lanen bideoak azalduko zaizkigu, tartean Blue Danube (Danubio urdina) ospetsua. Gehien gustatzen zaiguna aukeratuko dugu. Kopiatu insertar gelaxkan dagoen kodea. Blogean idazten ari garen fitxan itsatsi, kode gisa.
- Johann Straussi buruzko informazioa bilatuko dugu ohiko entziklopedia elektronikoetan (Harluxet eta Wikipedia). Datu garrantzitsuenak eskuratu, eta fitxa pertsonalerako behar ditugunak hartu eta moldatuko ditugu.
Harluxet, hiztegi entziklopedikoa
Euskal wikipidea, entziklopedia askea
